InfotechTamil A Blog for IT Related Articles in Tamil
மைக்ரோசாப்ட் அதன் Copilot செயலியை ஆண்ட்ராய்டு மற்றும் iOS தளங்களுக்கு அறிமுகப்படுத்தியுள்ளது. இனி மொபைலிலும் Copilot வசதியைப் பெற முடியும். முன்னர் இது Bing Chat என அழைக்கப்பட்டது,
GPT-4 மற்றும் DALL-E 3க்கான அணுகலை உங்களுக்கு வழங்கும் மைக்ரோசாப்டின் இலவச பயன்பாடான Copilot
கடந்த நவம்பர் மாதம், மைக்ரோசாப்ட் அதன் Copilot சேவையை வழங்கத் தொடங்கியது, இது முன்பு Windows 11 மற்றும் அதன் எட்ஜ் உலாவியில் கிடைத்தது. இது Android மற்றும் iOS இல் பயன் படுத்தக் கூடியவாறு முழுமையான பயன்பாடாக உள்ளது.
நீங்கள் ChatGPT ஐப் பயன்படுத்தும் அனைத்திற்கும் Copilot ஐப் பயன்படுத்தலாம். இருப்பினும், Copilot 4,000 எழுத்துகளின் உள்ளீட்டு வரம்பை கொண்டுள்ளது, அதாவது நீண்ட உரைப்பகுதியொன்றை சுருக்குவது போன்ற தேவைகளுக்கு இதனைப் பயன்படுத்த முடியாது. இந்த குறைபாடு ஒருபுறம் இருக்க, பின்வரும் விஷயங்களுக்கு நீங்கள் கோபைலட்டைப் பயன்படுத்தலாம்:
மைக்ரோசாப்ட் நிறுவனம் தனது விண்டோஸ் தளத்தில் இயங்கும் எட்ஜ் பிரவுஸரில் இணைக்கப்படிருக்கும் Bing Chat ஐ Copilot என்று மறுபெயரிட்து. அதேபோல் மொபைலில் Bing செயலியில் உள்ள Bing Chat அம்சத்தின் மூலம் நீங்கள் இதே Copilot செயல்பாட்டை அணுகலாம் என்பது குறிப்பிடத்தக்கது.
பிற AI (chatbot) சாட்போட்டைப் போலவே, நீங்கள் ஒரு கேள்வியை தட்டச்சு செய்து, செயற்கை நுண்ணறிவால் உருவாக்கப்பட்ட பதில்களைப் பெறலாம். மின்னஞ்சல்களை வரைவதற்கும், கதைகள் அல்லது ஸ்கிரிப்ட்களை உருவாக்குவதற்கும், சிக்கலான உரைகளை சுருக்கிச் சொல்லுவதற்கும், தனிப்பயனாக்கப்பட்ட (tour schedules) பயணத் திட்டங்களை உருவாக்குவதற்கும், வேலை விவரங்களை எழுதுவதற்கும் புதுப்பிக்கவும் பயனர்கள் AI உதவியாளரைப் பயன்படுத்தலாம்.
கூடுதலாக, புதிய பாணிகள் மற்றும் யோசனைகளை ஆராய, சமூக ஊடக உள்ளடக்கத்தை மேம்படுத்த, பிராண்ட் மையக்கருத்தை உருவாக்க, லோகோ வடிவமைப்புகளை உருவாக்க, தனிப்பயன் பின்னணியை உருவாக்க, போர்ட்ஃபோலியோவை உருவாக்க, திரைப்படத்தை காட்சிப்படுத்த, DALL·E 3 மூலம் இயக்கப்படும் பயன்பாட்டின் இமேஜ் கிரியேட்டர் அம்சத்தைப் பயன்படுத்தலாம்.
“DALL·E 3 இன் கற்பனைத் திறன்களுடன் GPT-4 இன் ஆற்றலை இணைப்பதன் மூலம், Copilot உங்கள் வடிவமைப்பு பணிப்பாய்வுகளை மேம்படுத்துவது மட்டுமல்லாமல், உங்கள் படைப்பாற்றலை புதிய உயரத்திற்கு கொண்டு வர முடியும்.
Copilot மூலம், OpenAI இன் GPT-4 தொழில்நுட்பத்திற்கான அணுகலை நீங்கள் இலவசமாகப் பெற முடியும் என்பது குறிப்பிடத்தக்க விடயம். ஏனெனில் OpenAI இன் GPT பயன்பாடு GPT-3.5 தொழில்நுட்பத்தில் இயங்குகிறது மற்றும் GPT-4க்கான அணுகலுக்கு கட்டணம் செலுத்த வேண்டும்.
